Intezar - The Love Story (Part-1)

So story running around Two People Ansh and Izna…

Story padhne se pahle dono characters ke bare mei thoda jaan lete hain..

Sabse pahle Ansh ke bare mei jante hain
Ansh – Ek rich spoiled brat… smart handsome … ladkiyan marti thi usper.. dil ka bura nahi tha… ek Girlfriend bhi thi but us se pyar kabhi nahi tha Ansh ko… Kyunki uperwala har Kisi ke liye ek special one bhejta hai or uske alava kisi se pyar ho hi nahi pata.

Izna – Delhi ki bindass ladki… tashan mein rehne wali… ekdum rocking…Bas apni duniya mein mast koi fark nahi padta kon kahan kya karta hai… uske friend uski duniya hain…

Fir kuch yun hua ke Izna hostel chali gai Ansh ke sheher mein kisi institution mein admission ho gaya tha uska… Facebook profile change hua…. Ansh bhi add hua.. dhire dhire baat honi shuru hui…

Ansh funny banda tha wo Izna ko mazak mein I Love You bhi bol deta tha… Izna bhi I Love You too keh deti thi… fir unki batein whatsapp par bhi shuru ho gayi… dono ke common friends bhi mil gaye… ahista ahista dono mein pyar hua…. par esa intense wala pyar nahi… kehne ko dono relation me aagaye… Ansh ko aisi Girlfriend chahiye thi jo uska khyal rakhe use pyar de use acha insan banaye… isliye ye sari baate karne ke liye usne Izna ko milne bulaya…. Izna ke pehle bhi kai Boyfriends the par kisi se pyar na kar saki… use aisa ladka chahiye tha jo uski respect kare use samjhe use pyar kare….

Ek din raat ko 11 baje Izna apne hostel se Ansh ko phone karti h or kehti hai – Ansh mujhe bhook lagi hai… kuch lao na khane ko mere liye please…

Ansh (ye soch kar ke isi bahane dekh bhi lunga Izna ko) – Kya khana hai bata moti jab dekho khati hi rahti hai..??

Izna – Jo tu le aaega wahi kha lungi to le ke aa or sun 3 logo ka laio mere room mates bhi hain..

Ansh khana le ke aata hai apne bade bhai ke sath… par late ho jane ki vajah se Izna ka hostel band ho jata hai or wo receive nahi kar pati… Ansh gussa ho jata hai ke main tere liye 12km aaya or tu milne nahi aa rahi hai… ispar Izna ki room mate Chhavi Ansh ko hostel ke piche wali gali mein bulati hai jisse wo Izna ko dekh sake…. Ansh gusse mein wahan aajata hai or Izna ko dekh kar uska sara gussa chhoomantar ho jata hai… wo gali mein khade rah ke Izna se bat kar raha hota hai itne mein colony ke kuch log bahar aajate hain or Ansh ko wahan se bhagna padta hai… ye pehli bar tha jab Ansh ne Izna ko samne se dekha isliye use zara bhi gussa nahi tha ke wo agar pakda jata uski vajah se to kya hota… Par uske bhai ne dono ko unke bachpane ki vajah se bhut daanta…. par dono hi khush the… par Ansh zara gussa mein ho gaya tha to use manane ke liye Izna 7 Dec ko usse milne ka wada kar deti hai… Ansh khush ho jata hai…. or ek ek din gin ke usse roz baaton mein batata hai ke ab 5 din reh gaye hain ab 4 din reh gaye hain….

6 December ki sham ko Izna pareshan ho rahi hoti hai ke wo kya pehan ke jayegi…. wo Ansh se puchhti hai Ansh bas ye bolta hai achi si ban ke aaio… wo hasane lagti hai idhar Chhavi Izna or Ansh ko chidhate hue bolti hai – Nahin Izu tu suit pehan ke jana… to Ansh bolta hai ke nahin nahi burkha pehan aana.. Izna Ansh se – Tu chinta mat kar achi lgungi..

Rat ko Izna apne hostel ki friend se puchhti hai then kapde decide hote hain wo puri raat khushi se baatein karte hain ke kal milke kya hoga.. Wo din ajata hai…. 7 December

Izna Ansh ko 10:30 baje phone kar ke uthati hai – Baby uth jao na milna nahi hai kya…. chalo tayar ho jao na mujhe lene nahi aana…

Ansh uth jata hai tayar ho jata hai… idhar Izna bhi itni pyari si lag rahi hoti hai….

Izna hostel se bahar aati hai samne Ansh apni R15 pe uska intezaar kar raha hota hai…Izna ko dekhta hi reh jata hai.. Izna aa ke uski bike pe baith jati hai…. Izna or Ansh chal dete hain….

Ansh Izna se apne bade bhai Shivansh ko phone karne ko kehta hai… Izna phone mangti hai par Ansh bike chlane mein busy tha to Izna ne uski jeans ki pocket mein hath daal ke khud hi phone nikal liya or Shivansh ko phone kar deti hai Shivansh unhe TLC lounge mein milne ko bolta hai… wo dono wahan pahuncte hain raste mein

Ansh – Aage ho ke baith paas me..

Izna – Ahaan… baby… tere ears pe bite karu chillayega to nahin…??

Ansh (haste hue) – Zor se na kario..

Izna Ansh ke ears pe bite karti hai or use kass ke pakad leti hai

Izna – I love you jaan

Ansh – I love you too meri jaan…. boht pyar karta hu tujhse

Ansh piche mud kar Izna ke cheeks pr kiss kar leta hai Izna sharma jati hai… Dono TLC pahunchte hain…

Intrested in our stories click here and Enter your Email to get Notifications of all New stories...


Next Part